Komin heim

Jæja, þá er maður bara komin heim og ein önn liðinn!! Vá hvað tíminn líður hratt. Jólin komin.....

Thad er búið ad vera brjálað að gera í skólanum. Eftir að Hanna og Binni fóru thá lá við að ég hafi búið í skólanum. Fór í stærðfræðipróf á mánudaginn var og gekk vel, fékk 10 (13 er hæst). Svaka montin með það. Á fimmtudaginn var síðan kynningin, "evaluation" kallast það víst í skólanum. Þá hengir maður eða hópurinn manns upp á töflu allt það sem maður er búin að vera að gera í skólanum og "ver" vinnu sínu fyrir kennurum. Mér og mínum hópi gekk mjög vel. Um kvöldið var síðan skellt sér síðan í partý með öllum bekknum og haldið upp á próflokin.

Á föstudaginn fór ég í Fields ásamt Christinu og Malu en þær eru meðal annars með mér í hóp. Markmiðið var að finna jólagjafir og kannski eitthvað á sjálfan sig. Mér tókst bara að finna eitthvað á mig. Aldrei þessu vant var kvöldinu bara eytt fyrir framan sjónvarpið.

Laugardaginn vaknaði ég snemma þar sem ég ætlaði að reyna að versla fullt af jólagjöfum, taka til í íbúðinni, pakka farangrinum, koma mér upp á flugvöll og koma mér heim. Allt tókst bara nokkuð vel og ég er næstum því búin að kaupa allar þær gjafir sem ég þarf að kaupa. Á bara eftir að kaupa 3. Það er mjög óvenjulegt þegar ég á í hlut, er alltaf á seinustu stundu með allt. Það sem er líka mjög óvenjulegt þessi jól er að ég er ekki að vinna og það hefur ekki gerst að ég held seinustu 10 ár. Mjög ánægjulegt og ætla ég mér meðal annars að baka Sörur. Fæ bara vatn í munninn.

Ég þarf líka að fara að venja mig aftur á íslenskt lykilborð. Ég er löngu búin að gleyma hvar ð, ö, þ og komma eru og fyrir hvern þennan staf í þessum pósti hef ég pikkað einhvern annan inn. Það þýðir að það hefur tekið mig helmingi lengur að pikka þetta lítilræði sem þessi póstur er.