Sef og sef
Klukkan er núna að verða eitt eftir miðnætti og ég er glaðvakandi. Ég svaf til hvorki meira né minna en þrjú í dag!! Ég er alveg gáttuð á sjálfri mér. Það sem meira er þá leið mér bara eins og ég væri að vakna eftir átta eða níu tíma svefn. Kannski er ég bara að breytast í eitthvað svefnskrímsli. Ég sofnaði reyndar ekki fyrr en klukkan 4 eða 5 í fyrrinótt og þurfti síðan að rífa mig á fætur klukkan 7 til að keyra pabba í vinnuna. Ég geri það alltaf til að fá bílinn þeirra mömmu og pabba lánaðan. Þau eru svo góð við mig.
Annars lögðust jólin ansi hreint vel í mig. Það er skrítið að vera ekki að vinna og ekki laust við að smá samviskubit sé að hrella mann. Maður reynir samt að njóta þess eins vel og hægt er. Les bara bækurnar sem ég og Andrés fengum í jólagjöf og hlusta á diskana. Svo erum við búin að vera svoldið dugleg að horfa á DVD. Á annan í jólum hittum við svo Sif og Geir á Vínbarnum. Mikið stuð það. Eins og alltaf þegar við hittumst dettum við inn í skemmtilegar samræður. Seinna kom svo Bjössi, vinur Andrésar, og tók þátt í hinum mjög svo líflegu samræðum. Okkur leið reyndar eins og unglömbum þarna inni, tilfinning sem ég hef að minnsta kosti ekki upplifað í langan tíma. Ég held að meðalaldurinn hafi verið svona 40 til 45 ára. Þóra frænka, sem er systir mömmu og var í heimsókn hjá henni í dag, rak upp stór augu þegar ég sagði henni hvert ég hefði farið. Hún fer víst oft þangað þegar hún er úti að skemmta sér. En þetta var bara fínn staður. Á föstudagskvöldið er stefnan svo sett á að fara út að borða með Sif og Geir á Pasta Basta.
Á morgun ætla ég að reyna að vakna fyrr og gera eitthvað að viti. Kannski maður taki bara til og skelli sér í sund og jafnvel kaupi sér fína skó til að vera í á Gamlárskvöld. Hvað á svo annars að gera á Gamlárskvöld?
Annars lögðust jólin ansi hreint vel í mig. Það er skrítið að vera ekki að vinna og ekki laust við að smá samviskubit sé að hrella mann. Maður reynir samt að njóta þess eins vel og hægt er. Les bara bækurnar sem ég og Andrés fengum í jólagjöf og hlusta á diskana. Svo erum við búin að vera svoldið dugleg að horfa á DVD. Á annan í jólum hittum við svo Sif og Geir á Vínbarnum. Mikið stuð það. Eins og alltaf þegar við hittumst dettum við inn í skemmtilegar samræður. Seinna kom svo Bjössi, vinur Andrésar, og tók þátt í hinum mjög svo líflegu samræðum. Okkur leið reyndar eins og unglömbum þarna inni, tilfinning sem ég hef að minnsta kosti ekki upplifað í langan tíma. Ég held að meðalaldurinn hafi verið svona 40 til 45 ára. Þóra frænka, sem er systir mömmu og var í heimsókn hjá henni í dag, rak upp stór augu þegar ég sagði henni hvert ég hefði farið. Hún fer víst oft þangað þegar hún er úti að skemmta sér. En þetta var bara fínn staður. Á föstudagskvöldið er stefnan svo sett á að fara út að borða með Sif og Geir á Pasta Basta.
Á morgun ætla ég að reyna að vakna fyrr og gera eitthvað að viti. Kannski maður taki bara til og skelli sér í sund og jafnvel kaupi sér fína skó til að vera í á Gamlárskvöld. Hvað á svo annars að gera á Gamlárskvöld?